Gado si le Statens fastighetsverk (SFV)

Ande jekh than si amende pherdo kulturake historijake barvalimos ande khera aj thana ando Svedo. Godo si jekh khotor anda amoro khetanimasko historija aj o traijo maj angle. Statens fastighetsverk si anzardo pe amaro barimos opral pa foroske khera, amare nationane khera aj le puterde phuva; amperatcija aj krijake mal, teatra, museer, ambassadori si jekh pe eftato khotor po Svedosko area. Amoro si sa gado ande jekh than aj amari buci si te las sama pala gado ande jekh than. Ame trubonas te las sama le kherenge anima aj karaktaro, numa vi te dikhas sar te haznas o kher adzes – po mistimos aj ando radujimos vi kaj le manush aj karing o khetanimos. Sa jekh fjalo kaj si vazno te phendas e historija karing le khera sa jekh fjalo vazno si te anzaras neve khera tehara. SFV le sama vi pala foroske vesh aj mal. Godo keras te avel jekh buci pe lungo lashi vramja, te shaj inkerdol biologisko phuv inkerdol aj e mal kaj phiren le cerbori te shaj aven lashe vi maj angle ando traijo.

Statens fastighetsverk (SFV) vazdinsajlo ando bersh 1993 numa amari buci si la defjal phurane bucia. Gadya dur zal amare phuranimata zi khatar Kammarkollegiet kaj vazdinasajlo ando bersh 1618. SFV si len jekh grupa khatar sherotne ande jekh than mit o generanlno sherotno kaj si les obligatcija pa e buci karing o foro. Ame sam pashte 400 bucarne kaj si lenge vazno kaj keren buci karing le khera. Buflimos ande amari buci si ke si pherdo bucarne sar; kheresko sherotno, kheresko tekniko,sherotno po vesh, kulturako historijako, projekt sherotno, sheftari, fiskali aj pherdo kaver buciake grupori kaj trubon te azutin aj te len angle neve metodori.

Amede si kaj svako intressno gor; kulturaki historija, neve arkitekturi, bare vesha, bare plajina, thana khatar e phurani vramja aj puterdi mal. But anda le thana si uni anda le maj vestome thana kaj phiren but manush. Von inkerdon puterde aj zuvinde pala amare manush kaj beshen ande le khera.

Skurto fakta pa Statens fastighetsverk

• SFV lel sama pala pashte 2 300 khera kaj si pashte fastigheter 3 000 khera ando Svedo.
• SFV lel sama pala 6,5 miljonori hektar phuv kaj si jekh efta khotora khatar Svedosko area.
• SFV lel sama pala pashte 1 700 islantori karing svedosko kusto aj le maj bare paja.
• SFV lel sama pala sa le svedoske ambassadori, foroske khera ande institutori ande 60 thema.
• SFV keren buci ande oxto khatar le 15 svediska lumjako arvo po Unescos ram.
• Si len obligatcija karing le themesko 260 foroske phurane khera (SBM) kaj si hulade maskar SFV, Fortifikationsverket aj Sjöfartsverket.
• Ando bersh 1993 thode opre SFV numa si la bucia kaj si khatar le bersh 1600.

Le kontakto amensa

Te les kontakto Statens fastighetsverk biris te:

• Mejlo kaj sfv@sfv.se
• Te mares telefono 010 478 70 00
• Te aves kaj amari bari kontora po Sankt Paulsgatan 6 ando Stockholm
• Te trades poshta:

Statens fastighetsverk
Box 2263
103 16 Stockholm