Dát la Stáhta gittaåbmudakfábmudahka (SFV)

Miján li moadda kultuvrrahistårjålasj árvulasj gittaåbmudagá ja birrasa Svierigin. Da li mijá aktisasj histårjå ja boahtteájge oasse. Stáhta gittaåbmudakfábmudahka l mihá stáhta åbmudagájs, mijá rijkalasjtsieggidusájs ja friddja ednamijs; lanijs ja gånågisårudagájs, teahterijs js, dávvervuorkájs, ambasádajs ja Svierigis vijddudagás giehttjidis. Äjggup dájt gájkka aktan ja mijá dahkamus la tjuottjodit dajt buoremusláhkáj. Galggap aj gáhttit tsieggidusáj iesjvuodav bisodit, valla avtabále dajt hiebadit udnásj dárbo ja adnema milta – ávkkáj ja ávvuj goappátjagá lájggijiddjáj ja álmmugij. Sämmi ájnas gå gaskostit histåvråv dálásj tsieggidusáj duogen la álgadit ådå tsieggidushistårjåv boahtteájggáj. SFV tjuottjot aj stáhta vuovdev ja ednamav. Dahkap dav guhkaájggásasj nanos vuoge milta, vaj biologalasj moattevuohta bisoduvvá ja guohtoednama aneduvvi aj boahtteájgen.  

Statens fastighetsverk (SFV) vuododuváj 1993 valla mijá dåjman la dålusj árbbedábe. Mijá tjiegŋalamos ruohttsasa åledi Kammarkollegiaj mij vuododuváj 1618. SFV lájddiduvvá stivras mij aktan mijá generaldirekterra åvdåsvásstet dåjmas ráddidussaj. Mij lip bájkoj 400 bargge gudi ávos barggi jur mijá gittaåbmudagáj. Mijá dåjma vijddudahka dahká miján li moadda virge: gittaåbmudaktjuottjodiddje, gittaåbmudakteknijkára, vuovddegahttára, kultuvrrahistårjjåra, prosjäktalájddijiddje, oasástalle, jurista ja moadda ietjá virggejuohkusa ma li dárbulattja doarjjaj ja åvddånibmáj.

Miján la juojdda gájkka berustimsuorgijda, kultuvrrahistårjålasj tsieggidusá, Ájggeguovddelis arkitektuvrra, vijdes vuovde, alla váre, dålusj ájgij bátsidisá ja rabás mája. Sajijs moatte li rijka dåbddusamos guossidimmåhke. Aneduvvi rahppot ja viessu mijá máhtalgis lájggijiddjijn viehkken.

Oanes diedo Stáhta gittaåbmukakfábmudagá birra

• SFV:a tjuottjot bájkoj 2 300 gittaåbmudagá bájkoj 3 000 tsieggidusáj Svierigin.
• SFV:a tjuottjot 26,5 miljåvnnå hektárra ednama mij la giehttjidis Svieriga vijddudagás.
• SFV:a tjuottjot bájkoj 1 700 kråvnnåsuollu svieriga merragatte milta ja mijá stuoráp jávrijn.
• SFV:a tjuottjot svieriga ambasádajt, residensajt ja instituhtajt bájken guhttalåk rijkajn.
• SFV:a oassálasstá umasse märráj gávtsen 15 svieriga väráldárben Unesco listan.
• Åvdåsvásstádus rijka ienep gå 260 stáhta tsieggidusmujtojs (SMB) la juogedum SFV:a, Fortifikationsverka ja Sjöfartsverka gaskan.
• SFV:a vuododuváj 1993 valla dåjman li árbbedábe 1600-lågos.
  

Aktavuodav válldet Statens fastighetsverkajn máhtá:

• mejllit sfv@sfv.se
• riŋŋgit duostudahkaj telefåvnnånummar 010 478 70 00
• manádit mijá oajvvekontåvrån Sankt Paulsgatan 6 Stockholm
• rádjat påvståv:

Statens fastighetsverk
Box 2263
103 16 Stockholm